Memorial Rutsindura Alphonse : Michel Karekezi yamuciye mu maboko
Memorial Rutsindura – Michel Karekezi ivomo ku kuri – YouTube
Michel Karekezi (wa mbere ibumoso mu basutamye mu madarubindi) ni umwe mu babanye na Rutsindura Alphonse byongeye yanatojwe nawe ndetse urugendo rw’ibikorwa bya sports barugendanyemo…aha bari batwaye igikombe
Rutsindura Alphonse yavutse mu 1958 ahitwa i Ndora mu Karere ka Gisagara, yiga amashuri yisumbuye muri Seminari ya Karubanda, amashuri ya kaminuza ayiga muri IPN Institut Pédagogique National i Butare. Rutsindura Alphonse yabaye umwarimu w’umuziki n’ikilatini mu Iseminari ya karubanda aba umusifuzi muri volleyball ,
aba umutoza w’ikipe ya Seminari kuva 1983 kugeza 1994,aba umutoza mukuru w’ikipe y’Igihugu y’abagore 1988 kugeza 1990.
yanabaye Visi Perezida wa Ishyirahamwe ry’umukino wa Volleyball mu Rwanda(FRVB),aba n’umutoza wa Rayon Sports VC mu mwaka wa 1990.
Rutsindura yishwe muri Jenoside yakorewe Abatutsi mu mwaka wa 1994 hamwe n’umuryango we. Irushanwa ryo kumwibuka n’ibikorwa bye ritegurwa n’inshuti hamwe n’ihuriro ry’abize muri i Seminari ya Karubanda (ASEVIF). Ni irushanwa rihuza abakinnyi batandukanye ba Volleyball yo mu nzu (indoorvolleyball), ndetse n’iyo ku mucanga (beach volleyball). Ndetse muri iri rushanwa hakinwa na Beach Volleyball
Photo : Michel Karekezi Archives